مطرات إلظهر
أرید أصرخ و أسمع إلنّاس بالامی
و أخلّی إلمایشوف إیشوف بحلامی
...
إلطایح بیه ألم عندی دواه موجود
یصفّی إلنیّه و إیتابع درب مریود
تدری بإلجسد تالیته حگ إلدود
تعدّه إکسب رجوله إو صیرجدّامی
...
تقدّم بإلرجوله إو لا تضل خسران
إلشایل ضیم إخوته سیّد إلدیوان
و إلقاید یرید إسباع طلّابه
إمکمّل بإلحچی لو نمشی خطّابه
مو مگیود لا صایود بإلغابه
یوضّح له کلامی إو شعری بنغامی
...
گوم إلبس إلصایه و إکشخ إو خیّال
إو مر بیت إلاهل و إحچی إبحچی رجّال
من إتغیب خلیهم یذکرونک
إبیوم إلعید بفراحک یهنّونک
إیّام إلضیج خوّانک یعینونک
ما یفرق نسبهم سیّد إو عامی
...
کلنه أخوان لازم نوگف إبحدنه
إو سیّدنا محمّد من نسل جدنه
إو سیّدنا علی باب إلشجاعه أستاد
إلحسن و إحسین من إلصادق إلسجاد
إو عدنانی إلنسب و أفتخر بسلامی
...
إگل للما یشوف إلمن إو عنده إعیون
عنده عگل عنده گلب عنده إسنون
صگد ما شاف مطرات إلظهر بإلگیض
صگد ما حس إبحسرات إلمرض بإلفیض
صگد ما گلبه یلعب یلتهب بإلغیض
ما حس إبضرب سیفی إو ضرغامی
...
إتعجّب یا جماعه إلمای شایل حوت
بس مو عجبه یمّی إلعدل من إیموت
أحس ربعی شطاره إتلبّس إکلاوات
ما یفرق سباهم للعدل و إلمات
صاروا للحرامی إعیون نظّارات
گعد للبیه إذیّه إبسوره و إترامی
...
تدرون إبسفر بحری إلجمع رحنه
إبسفینه إو غادرینه أنعیش لو متنه
إذا واحد خرق کف إلسفینه إبکیف
هل أصحابه توافق للثقب و إلضیف
إذا تقبل إلموت إلسکته بیهه إتخیف
لازم نتّحد و إنسد درب حامی
...
إید إبإید خلونه إلجمیع أحباب
علی إلبیهم رده لازم نسد إلباب
لأن بیهم ضرر و إلإمّه تعبانه
من ضیم إلدهر و إلنّاس حیرانه
ندری بإلدنیّه إویانه خوّانه
وصّیت إلأودهم شایل إعلامی
...
رتب إطفالک إو زیل إلحقد و إلثار
ما نقبل خیانه لا ظلم لا عار
إلحقوق إمن إلأسلام إنوخذ مصدرها
إحترام إلبشر بإلقرآن معبرها
و إبکل بلد راغی إنشوف منظرها
عطشان إلعداله إمسافر إو ضامی
...
إتجرّحنه إبلیامه إو من یداوینه
یاخذ شورنه إو یحضر یخاوینه
إلیجینه طارش إو نکرم إو نمّن بیه
إیتحزّم بإلوعد و إمگابل إنحاچیه
یحط إلشمس بید إو گمر بید أعفیه
حسافه أترخّه إبقوله أنزع إلثامی
...
ملّینه إلدهر ما نسئل إبحاله
أرد یم إلولف و أتنشّد أحواله
وینک یا ولف ما بیّنت للیوم
إشصایر شاد خشمک تنهت إو مهظوم
فهمتک من کلامک بإلعشگ مندوم
لتخلّینی أشیل إلحمل بکرامی
...
یا حبّی إو حنانی لیش ناسینی
إچّندوب أنا أسامح و أنت بالینی
وینه إلعاهدانی ما یخون إویای
وینه إلگال بإلصعبه یظل إحذای
ردته إیضمّد إجروحی إو یصیر إدوای
تمنّیت إمن أطلبه إیقدّر ألهامی
...
جاسم ثعلبی ألحسّانی 25/09/1400
:: برچسب‌ها:
مطرات إلظهر ,
:: بازدید از این مطلب : 1114
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
